食左好多甜品

今晚約左班好耐冇見的中學同學，進行我們每年一次的中秋節聚餐(haha......係中秋呀！)。

我們真係好勁架，一晚去了兩間餐廳吃晚餐......

首先，我們去了金鐘的Thai Basil，食左一d我唔係咁喜好的食物，因為我唔喜歡泰國菜呢！但好彩都有幾碟好野的......當然係串燒、濕炒河粉、豬頸肉沙侓(好似係)、被分作有辣有不辣的菠蘿炒飯。正如網上所見，食物的份量非常少，當然唔夠食啦！所以我們改地點再食「晚餐」及甜品......

跟住，我們是去了銅鑼灣的 suzuki cafe ，勁嗎？我們由金鐘食到銅鑼灣呀！在suzuki cafe我們只點了2人的set dinner，但就點了3個2人(即6人)份量的甜品，有甜品食當然最開心！仲可以同好朋友一起分享呢！所以一定要擺d相出黎.......回味下！遮掩下d唔開心的情緒！

好神奇......上軟下脆的配合......紅莓批

我覺得係最好味的......梳乎里

被切開了的心太軟......但同d芒果好似唔係好襯

*期間發生了一件插曲，話說我們點了很久的一碟意粉未到，當然要問下staff，問完之後佢就話會跟，但轉頭竟然來收我們的碟，話要上甜品碟，我們提他仍有一碟意粉未到，佢就一句飛埋黎：「唔通擺14隻碟在檯上」，好呀！我話知你擺140隻碟丫，身為服務業竟然咁的態度，真係要俾阿一教育下佢作為服務性行業所「應有」的態度。