討論問題

我又和老公討論有關要小寶寶的安排，當然依家連有都未有，都唔知有冇......
但都有好多問題及困擾，要我思考，仲令我要考慮要小寶寶定係小狗。
當然，老公都會為我解決我的困擾，但我真係有好多野擔心。

真係好多鬼

原本想去太源街買教材，以為晏了去d舖頭會關了門，點知因為明天是halloween，大把人買衫裝扮，條街好多人，仲多過星期日，估唔到香港真係咁多人會扮鬼。
但點解醜陋的學校唔係halloween都咁多怪獸的呢！

同學好勁呀！

今日去了李惠利註冊，好開心見返以前李惠利的同學，佢好勁呀！挺住籮咁大的肚(真係籮咁大的，因為佢下個月就生得了)仲走去行5層樓梯去上堂，而我就四周望，希望搵到升降機。
佢真係好勤力，大了肚下月生都仲繼續返學，而我就個個星期都話唔返學，下月仲話要返三晚，簡直辛苦死！等我都要學同學咁勤力先得。唔知我可唔可以好似佢咁呢！

擔心

今日老公的媽媽打電話來，她和自己的阿仔傾了一段時間後，阿仔(即係我的老公)就好擔心......
又係因為投資損失的問題，銀行竟然話全部都冇得賠，老公的媽媽當然唔開心、好心酸！老公識得勸他的媽媽唔好咁傷心及擔心，但估唔到老公都非常心酸，但心酸的原因竟然係「我有睇過有關的投資資料，我同阿媽講都OK」.......咁即係老公覺得係自己的錯，當日係銀行職員叫他的媽媽買的，關老公咩事？老公幾日都不開心，佢自己損失的都冇咁唔開心，但竟然會為自己的一句冇咩特別的說話而心酸幾日。
我都唔知點算，咁不如老公賠償返俾他的媽媽！

真係要走？

之前發夢見到「大小姐媽媽」笑住咁話「可以走了！」，唉！佢今日收到消息，真係要走，但......只係因為工程要帶班仔走一段時間......
雖然話係一段時間，要留在學校的我都不會開心呢！但原來可以走真係好好的，起碼唔使見班大怪獸一段時間，又唔使受工程的臭味。
估唔到發夢會變真的，真係弊！
只係因為工程要帶仔走

肯德基出新野？

由於肯德基出左新野---家鄉雞肉蕃茄蛋熱烤卷，好似以前一隻好美味的北京雞卷，但呢隻就差好遠......
其實老公去到肯德基排隊時，已聽到前一位顧客投訴雞卷點解只得一件(相片中有兩件)，仲好細，成枝雪條咁，不買了；到我們打開一看，嘩！真係好短好薄，完全貨不對版，d雞肉、蕃茄蛋都少得可憐，真係俾個廣告騙了，而且肯德基仲偷偷地加了價，好無良啊！

halloween

就黎萬聖節，小豬都要打扮下去應節......

呢個頭飾先係我的！

好難得的小豬扭蛋

我一扭就中了扮蝙蝠的小豬......真興奮！

點解懶惰的我會睡不了？

連續兩晚都睡不了，整晚就是不停的扎醒，都唔知道點會咁......
我覺得都冇發惡夢了，不是因為惡夢而睡不了，但總是扎醒......一會後才睡......又扎醒......又再睡......，到起床就非常辛苦了，都已經食了藥，D藥仲話有睡意，都冇用的。
再係咁訓唔到，真係唔知點算，邊有精神返工打大小怪獸呢！

查房

第二次去參觀大學宿舍，今次呢間好高級，在半島豪庭旁，個大堂真係好似酒店咁喎，d保安仲好嚴密呢！登記左我和老公的身份證上好多的資料，仲要用一張類似八達通的咭先可以入去，真係好勁呀。
我冇讀過大學，真係要見識下喇！間房就同一般的雙人房一樣，但樓下的會所設施就咩都有，真係有排玩呀！唔怪得有結左婚的前同事都會自己走去住宿舍啦！原來依家的大學係咁精彩的。
仲有一些搞笑野，男女分層就當然啦，原來連洗衣房都會分開的......haha

買左好多野......但全部都唔係我的！

今日去左行街街，因為想去買些halloween飾物俾大小姐及姪女，在太源街真係有好多halloween的物品，好壯觀的，仲好抵呢！但再去玩具反斗城逛時，又係有好多好抵既野，搞到我們買了好多，但我冇份的......

好搞笑的道具

其後再忍唔住買俾大小姐的公主月曆

大長今煮飯仔

所有不是我的收獲

食左好多甜品

今晚約左班好耐冇見的中學同學，進行我們每年一次的中秋節聚餐(haha......係中秋呀！)。

我們真係好勁架，一晚去了兩間餐廳吃晚餐......

首先，我們去了金鐘的Thai Basil，食左一d我唔係咁喜好的食物，因為我唔喜歡泰國菜呢！但好彩都有幾碟好野的......當然係串燒、濕炒河粉、豬頸肉沙侓(好似係)、被分作有辣有不辣的菠蘿炒飯。正如網上所見，食物的份量非常少，當然唔夠食啦！所以我們改地點再食「晚餐」及甜品......

跟住，我們是去了銅鑼灣的 suzuki cafe ，勁嗎？我們由金鐘食到銅鑼灣呀！在suzuki cafe我們只點了2人的set dinner，但就點了3個2人(即6人)份量的甜品，有甜品食當然最開心！仲可以同好朋友一起分享呢！所以一定要擺d相出黎.......回味下！遮掩下d唔開心的情緒！

好神奇......上軟下脆的配合......紅莓批

我覺得係最好味的......梳乎里

被切開了的心太軟......但同d芒果好似唔係好襯

*期間發生了一件插曲，話說我們點了很久的一碟意粉未到，當然要問下staff，問完之後佢就話會跟，但轉頭竟然來收我們的碟，話要上甜品碟，我們提他仍有一碟意粉未到，佢就一句飛埋黎：「唔通擺14隻碟在檯上」，好呀！我話知你擺140隻碟丫，身為服務業竟然咁的態度，真係要俾阿一教育下佢作為服務性行業所「應有」的態度。

又發惡夢了！

今次真係非常惡/恐怖的惡夢......
扎醒......記得夢中..大小姐媽媽笑得好開心咁話：「我可以走啦！」
死啦！佢走了，學校咪仲更加冇皇管！群魔更加亂舞，更加冇人時不時點醒阿一、阿二，真係想點都得！
所以真係一個超級恐怖的惡夢！

小丸子

今日又要返學，真係好累！

但到放學時突然想食KFC，話俾老公聽，佢竟然批准，仲俾左另一個都係咁XX的提議......就係買麥當勞的開心樂園餐！

......今期開心樂園餐係送我小時候成日睇的小丸子，但佢的產品出得很少的，而今次竟然有小丸子，仲要係好精彩的！我今次只係換了小丸子另唱歌跳舞的一個，上一期換的變臉小丸子已經換晒了，唔制呀......

 第二日，老公仲連晚飯都唔食喎，換埋爺爺俾我!

佢地可以兩個人一齊唱歌跳舞架!

但係我剩返小丸子變臉換唔到呀!!

有無有心人可以出讓呀! 

小刺又巳浮現了

漸在心中忘記的事又浮起了......
剛才到警處認失物--耳環，但唔係我唔見的一對，原本真是充滿希望的，但當時一睇，即刻失望了！
原來老公一路都有同警察聯絡、認失物，只係唔想我失望所以冇同我提過，但我經過約5個月的時間，已經忘記緊、放開緊，老公亦補送緊，但那些東西是很有意義的，唔係補得返的！所以認完之後，個心都好混亂！
最緊要係每日返工出門口都好緊張、好驚有事！真係好弊！

放假....太多野諗!!

放兩日散假，老公要返工，自己在家工作，仲同表姐傾左一日小朋友野，佢講得好開心、好興奮！我又要咁開心呢！
當表姐知道我學校的人時，仲提醒我要放鬆心情，如果唔係就會有問題(....haha....仲要係精神問題！！)，我都知的......但日日在那些環境下工作，真係人都顛啦！近排仲要晚晚發惡夢，都唔知點算！
點解我唔可以好似大小姐媽媽咁發夢打敗佢地架！？

大替工

今日深深咁感受到大木木老師及亮哥哥太太所說：兼收係一個大替工位，咩都要做，就係做唔到你的兼收仔，冇咩成功感！冇左自己班仔果種感情！
係....做左兼收個多月，咩都唔識，堂又冇得上，睇住d兼收仔所謂入兼收位，又冇人理，我好唔開心！
仲要俾人話上少一日都唔緊要，因而將我調來調去，咁你班正常仔是否上少一日都得呢！大好日子，留來傾計就真？！
我真係要學下有關老師咁唔上堂，入ST房蛇先得！......但我又唔想對唔住d仔，自己係賤賤呢！

見到牛呀！

竟然在香港可以近距離見到牛吃草及牛屎！

今天我們一起去大尾篤燒烤，在找到一個有樹遮蔭又好好view的燒烤爐之時，竟然在旁一大舊牛屎，再行前d就仲多屎，我們都非常奇怪為何在燒烤地點有如此多屎屎！

去到第二個OK的燒烤爐紮營之後，食食下......竟然有4隻好大好大的牛在吃草，在場的人當然去晒睇牛，真搞笑！我都當然會睇喇！

他們跑得好快的！

再影近d

佢地食左好耐草的

邊個夠膽投訴！

話說今日放工有兩個嬸嬸討論文員的問題......A嬸嬸教B嬸嬸投訴/講出文員的衰野(文員的衰野簡直講10日不停口都講唔晒！)
A嬸嬸：在園做左成十年，仔女出晒身，愛打聽
B嬸嬸：在園做左成一兩年，仔女仲細，成日俾文員似住佢係新人咁蝦
你話B嬸嬸敢唔敢講晒文員D野出黎丫！
個文員仲好巴閉的......最低級就最大聲，最識分工，分晒D工作俾老師做之後，就搞風搞雨，蝦呢個、玩果個，B嬸嬸因為要佢訂貸、收貨、取消訂單，令文員覺得有太多野做，所以好憎恨B嬸嬸。
雖然話佢係最低級，但阿一、阿二都怕了他，阿一曾經講過唔敢...."係唔敢"俾咁多野佢做，費事嚇走佢(返工唔係做野，出咩人工呢！)，而阿二就怕冇人幫佢做野，陪佢傾計、食野、飲汽水，所以文員就有恃無恐四周圍咁搞唔係佢果邊的，連個文員都咁勁，邊有人夠膽投訴佢呀！
都唔知點解個陳XX及夫人咁X，放100粒糖來(實收20粒)這間得個殼的醜陋校園？

懶散的一天

好難得地有4天假期(要多謝大小姐的媽媽讓給我的)，已玩了兩天......
今天都頗早起身，但老公仲早，一早起左身，買左麥當勞的板燒雞排早餐，好味但都幾辣!
早餐之後就發憤要做晒檯上的文件，起初我真係好努力的，做左個幾鐘；但在吃午餐後，便泄了氣，咩都唔想做，好彩老公提議玩Wii，玩左之後有返d心情，可以寫blog....haha
明天便要返回那個醜陋的地方，真的十萬個不願!!簡直好比死一樣咁難受

「女麻女麻」

奶奶在這兩天轉了做全職「女麻女麻」，負責照顧她的孫女，孫女今天病了!當然未必原全因為奶奶的照顧......
根據以往的相處，他們一家(即姪女的父、母、爺爺、「女麻女麻」)，都將姪女當作成人般看待，從幾個月開始，已給她舔盡人間美食......海鮮、煎炸、甜點，甚至香口膠糖衣都俾佢食，可憐的是她會去不了大便或大便有血；雖然她是很聰明，但也要小心飲食，避免腸胃負荷過重。
從小就教她打這個、打那個去氹她吃飯，依家更追她9條街咁餵她吃，又說你們以前都係咁......
說出以上的例子是因為奶奶有心請一個工人去照顧兩個小朋友，即姪女及我們的一個(有的話)，但經過姪女的例子後，又點會放心將自己的一個給他照顧呢!

黃金海岸酒店之旅-Day2

昨晚我和老公都睡得不好，但都可以睡到9:00鬧鐘響才起床，好快咁換好衫，以為可以出去食早餐buffet，點知一開窗，實在不得了，昨天下大雨，出面完全冇景，但今日總算係晴天，可以在16樓望出黃金海岸泳灘及遊艇會，靚到不得了，所以都影了很久才出發食早餐。

我們吃的是早餐buffet，食物非常豐富，仲多野揀過珠海渡假村，食得好飽飽，到下午茶都食唔落！

連奶都咁特別！

難得天朗氣清，所以食完早餐後便出了花園影相，因為係星期一，所以花園很少人，幾乎冇人，我們還可以在花園影幅「咀咀中」的相，真開心！

今次仲可以延遲到1:00先check-out；check-out後，我們就搭車到屯門市中心逛街，因為手軟腳軟的關係，行了一會，食了一份下午茶，便乘巴士回家了！

今次間房真係好大，個景又好靚，但老公話下一次未必可以有這樣的一間房，所以我影了很多很多相！

以往是老公煲水俾我飲的，但今次要自己煲呀！

天氣好時的黃金海岸泳灘

在露台望出去的金海豚廣場

跟昨天完全不同的遊艇會景

出自老公的作品

這裡在假日是跳蚤市場，今天是平日冇開，才可以影到這個標誌

黃金海岸酒店之旅-Day1

10時多被大雨嚇醒，擔心又打風不能出發，但沒有打風卻下黃雨，我和老公如時出發，但沒有吃KFC……haha!

一路上也是下雨的，但老公plan了乘地鐵到荃灣，全程都是在室內的，沒有被大雨打亂我們的活動…其實也沒有甚麼活動。

到了荃灣，都冇咩特別有興趣shopping的，唯有介紹下我們在POKKA CAFE吃的午餐，有菠菜汁意粉、雞肉野菜卷、雞蛋豆腐極上牛肉窩、紅豆忌廉法飽。

最出色的雞蛋豆腐極上牛肉窩

好失望的菠菜汁意粉

好好味的雞肉野菜卷

唔似甜品的超好味甜品---紅豆忌廉法飽

仲以為荃灣冇咩好行，點知都行到差不多5時，要乘車到酒店check-in，一check-in就可以見到老公領隊幾咁勁，老公以「今次是要和老婆慶祝生日」，便將原先的一間海景房，升級到有兩面海景及大露台的大房，(後來發現升級至特級豪華露台海景客房：每晚需另加港幣$400)

 真勁!可惜一直也是下大雨，

完全看不到出面的靚景，但……可以偷窺下層的日本人一家四口。

日本人一家四口，他們在玩UNO

之後出去吃晚餐，晚餐前，我們去了看那個南瓜車的杯，但又係因為天氣的關係，冇得出去影，連影室內lobby影都因過了時間而冇staff去影，我們只好自己影，俾file佢地整個杯，期間仲打敗了個staff的SD card。

我們想到附近的商場找特別野食，都因為下大雨而放棄了，我們選了吃中餐，這都是老公錫我才會吃中餐的，有D食物都好特別。

好特別的的木須豬配麼麼餅---好好味的！

好正宗的咕嚕雞球

老公話唔好味的青菜煨麵

吃完晚餐後(今次老公沒有訂房中的晚餐) ，可以取杯了，雖然唔係好靚，但好有記念價值(話晒都要$60架) ，而且仲去取埋兩杯Haagen-dazs雪糕，但好失望，只得朱古力味。

黃金海岸酒店

16樓

超大的雙人床

仲有露台的，但唔記得帶吹泡泡去玩

好有記念價值的杯，幅相都係我們自己影的！

雨天晚上的黃金海岸酒店