倒數活動

今日大除夕，要開工，但晚上老公約了中學同學倒數，佢地每年都會有倒數活動，呢兩年都會帶埋小鈺一齊去，但當然唔可以真係倒數完先走。
主人家都是養狗，我們一早跟小鈺預告了，小鈺去到見到小狗，就十分想小狗跟她玩跑步，但此小狗十分懶惰，只趴在主人腳上，令小鈺十分冇引。
最後我們食完、玩完，都在倒數前搭的士回家，剛好時倒數前的兩分鐘，可以同小鈺一齊倒數，小鈺還邊飲奶邊倒數，十分大人。

有cupcake食，好開心

迪士尼年票

今日特登請假去迪士尼睇聖誕佈置，可惜天公不造美，由我們出發開始下雨，還愈落愈大，最勁一個環節是下最大雨的時候，排到了馳車天地，開起架開薘車，俾雨淋了一圈。
連巡遊都冇得睇，(我)十分失望。
冇巡遊，小鈺又唔敢睇煙花，所以我們6:00走了，小鈺當然是孭孭的瞓了回程車。
我們亦買了年票，但與海洋公園年票重疊了一個月，唔係好抵。

好勇敢咁玩咖啡杯

小小世界是小鈺的至愛

扮胡迪

扮米妮

兩隻好靚的雪人，今年引入香港了，以往只日本有

三歲五個月

正在學習一步一級落樓梯(上樓梯得，但落樓梯就係都唔肯，只在最後一級才會做到一步一級)
仍愛發脾氣，好惡，晚上睡覺仍然很差，都是會哭會發脾氣
上學前仍會表示不想上學(唔知係未適應，還是小鈺已明白到那是一個甚麼的地方)

2012工展會

一年一度的工展會又到，外婆每年都要去行一行，小鈺都會去湊熱鬧，食下嘢。

作詞人

每晚在我們放工後，小鈺都會要求玩我們的手機，我們當然會盡量用不同的藉口耍走佢，但今晚，我聽到了小鈺作的歌後，讓我要立即俾佢......

原曲
DaddyFinger DaddyFinger Where are you?
Here I am ,Here I am
How do you do?

新詞
媽咪機機 媽咪機機  Where are you?
係書房  係書房
How do you do?

其實小鈺平日冇拿拿都會走去自己唱歌及改歌，但都不及今次咁精景!

彤彤生日會

彤彤一歲生日飯，早在一星期前已告知小鈺參加，可惜小鈺被蚊咬，不能去，小鈺以為好似自己的生日PARTY咁，有得玩、有得食，所以喊住要去，真係好淒涼。

中式壽包

西式蛋糕

心痛的蚊咬

 

小鈺昨晚成晚哭，我們都冇咩點理佢，但今早起床發現，原來小鈺係俾蚊咬，仲要係大毒蚊，咬到小鈺成面腫晒，真係眼及咀都腫到一大個球咁，要睇醫生，要食抗生素，真可憐!


抗生素及敏感藥



 

 

由於開了蚊機都咬到咁，所以立即買埋花露水噴房

我想喊呀！~~

晚餐後，同小鈺一齊聽歌，聽了一次放學歌---叮噹叮噹叮噹，放學鐘聲響，再見再見再見，大家再見啦。在聽的時候已經呆呆地，小鈺表示想再聽一次，當再播一次時，小鈺突然說：「我想喊呀！」跟住就真係喊得好淒涼，問又講唔出咩事，但好彩在爸爸播放多次後，我又不停的問咩事後，佢又好似冇咩事了！

半個月後第一日返學

阿呢自返學開始，每個月都只係返到十幾日，但今次由新年前開始放，到返學前一天開始發燒，一病又病了十幾天，加埋成半個月冇返學，之前已經唔係好願意返學，我帶佢去做ST都唔係好願入學校，今天由外婆帶返學，外婆表示入門口冇喊，但我們聽到阿呢的沙聲，知佢一定是違反了學校的規則，俾人鬧到喊，而我們問佢有冇得玩滑梯及單車時，佢說冇，即係因為曳俾人罰冇得玩了...
係瞓覺時又叫晒唔好咁，都知佢又係在學校俾人鬧了...
希望阿呢快D習慣番，唔好成日違規俾人鬧!!