準備生日會

阿呢在七月出生，出生時間雖在暑假，但我和老公的七月卻是十分忙，去年的生日會全都在阿呢八月才有時間舉行，所以今年我決定早點準備，先決定地點，book左場先都好，所以經過一番的選擇後，都是決定在麥當勞舉行生日會，加上阿呢認得麥當勞又愛吃薯條，一於在7月3日在麥當勞為阿呢舉行兩歲生日會，但其實都有小小是因為我們大人都想在麥當勞玩......

麥當勞邀請咭

七級浮圖

又係一年一度新生日，又係老細發顛的大時間，今年佢唔知發咩神經，又大改以往做開的野，我們一組選了做樓梯級的裝飾(係貼在樓梯上一級的地方，其實都冇咩人睇的)，佢竟然話要好似德福廣場D樓梯咁一幅過的圖案，無聊啦!

其實都冇咩人睇的地方，都唔知點解仲要咁浪費人力物力去整，其中一天我更用了六個鐘去整都未完成。

生日會

去年阿呢一歲生日，我們在家為佢慶祝，今年兩歲，我們決定滿足下我自己，在麥當勞開生日會，今日就去訂定七月的生日會了。

有叮噹(依家一代係叫Doraemon)的邀請咭

唔該晒

又要唔該二小姐，願意送出佢唔合穿的衣物俾阿呢...

有一些裙裙...

仲有大量褲褲...

有一些仲係冬天著的...

一起生病中

又一家人齊齊病，老公及阿呢仲要病得好嚴重...

老公的舊患...但今次突然發得好厲害

阿呢又傷風，鼻水長流，又咳到嘔

而我就暫時堅持唔睇醫生...

母親節

今日是母親節的正日，是我們有了阿呢之後的第二個母親節，可能阿呢仲細，都冇咩特別的感覺，係老公之前送了一條頸鏈及手鏈俾我先，就知道係母親節。
阿呢今日仲要我做返個真正的阿媽，要我不停的勞動，佢不停咁製造污染，要我不停的抹抹抹，而老公就整親隻腳，冇咩點郁動，冇咩點陪阿呢玩，並且只係去了奶奶家吃午餐，就回家俾阿呢午睡了。
其實都要好彩外婆今天先回家，等阿呢有得貼住外婆睡(自旅行回來，佢就好鐘意同外婆睡、睡大床)，原本我們打算晚上去外婆家食晚飯，但外婆竟然冇預我們的晚飯，所以我們都只是留在家中。
今天就此過了母親節......

將送俾奶奶的一套，一分為二

阿呢一套，我一套??

周大福的氣勢果然唔同D

慶祝母親節

明天才是母親節，但我們知道明天才出去慶祝，一定會好多人及貴d，所以就在早一天跟外婆吃飯慶祝。
雖說明天才是正日，但我們今天下午都已經好穩陣咁訂定了檯，竟然按時到達八喜，都需要等位，差不多等了半小時，真係唔知點解咁多人。

著住條花裙仔準備出街，都唔得斯文的

鮮肉南瓜飽...必食，好鮮甜

富貴割肉飽...又係必食，因為個口感好好，今次仲轉左一D材料

小籠飽

花膠煲，原本係俾阿呢食的，但因太遲上檯，佢已食到半飽，開始玩野

菜肉雲吞麵，D麵好爽口

乳鴿

慶祝母親節的重頭戲...

好好味的天使蛋糕

竟然有埋個母親節心心

勞動節真係勞動?

由於近日開始轉季，市面出左好多新一季的衣服，又漂亮又得意，我和老公都忍不住買了好多俾阿呢，已經冇位放，加上天氣開始轉熱，外婆投訴阿呢沒有夏季衣服穿，(但其實只是收在衣櫃中)，所以我這兩天努力地為阿呢收拾好一些不穿的衣服(只有少少是長大了不合穿的)、收起冬季的衣服，擺出夏季的衣服。

一邊執一邊想起阿呢著那些衣服時的模樣(係好BB的)，而現實中，佢就在搗亂，我執一陣，佢就來搵我玩一陣，就此斷斷續續地執了兩天才完成，但執拾好的衣櫃，令人覺得可以再繼續買衫......

仲有好多掛衣的空間??

仲有半個櫃桶可以擺衫

不合穿的衣服

鞋櫃中，阿呢的鞋子仲多過我，之前已經俾左一批老公的同事

不合穿的鞋子，其實鞋子都真係好快唔o岩著的

今天一早起身執好晒d衫，下午當然要同阿呢出去走走，仲要買埋母親節禮物俾奶奶，所以我們又係去了Mega Box。

未著過的工人褲，但已經唔o岩著了，只有穿一次影下相

每次去Mega Box必食的宜家餐廳

阿呢會因為可以玩野，而會自己食

當然好願意飲野

逛超級市場的收獲，但只是其中的一部份

今天逛街的主要任務，珍珠手鏈、頸鏈，還有加$100換的吊咀