Wii

自從Kelly個Wii廣告出街，引得阿呢發笑，仲連在街上見到個Wii盒都會好開心咁笑，有見及此，老公梗係會同阿呢一齊玩啦，但其實多數都係阿呢搶住所有手掣，老公係玩唔到的，好冇癮的。
但今日老公就特登抱住阿呢一齊，等我可以做功課，佢地仲玩左建立一個新成員的資料...

因為係BB，要抱住磅重量

好快就有結果

都只係得...

小BB是坐在地下及爬來爬去，但唔可以玩遊戲的

只可進行測試

一家人...

韓國貨

收到同事韓國旅行的手信...

我的...指甲油及唇彩

阿呢的...提子汁

阿呢的...頭飾及潤唇膏

此並非韓國貨，是同事送來的貨辦

又見學校

今日又同阿呢去見學校，今次係特登出去見一間所謂九龍塘的幼稚園，但阿呢去到全程一粒聲都冇，又唔合作，我諗就算有校長照都冇用了!!

$30的報名費，原來就得了這些......

拆利是

已到正月十五，又係阿呢拆利是的日子，記得去年阿呢只得七個月，我排晒D利是在地上，然後捉佢坐在利是前影了一幅阿呢"唔知發生咩事"的照片，今年我同樣將D利是(已比去年少)排在地上，但我排了兩次都不成功，不斷被阿呢取出東拋一封、西拋一封，最後係老公抱起佢睇我排利是後，才放佢坐下，當然，我是不能成功影到"阿呢與利是"的照片，因為佢今次不是拋，而是逐封撕開。

阿呢今年的利是......謝謝各位好友!!

評估+健康院檢查

由於阿呢仲未識講野，所以在上一次打歲半針時，醫生已寫了一封轉介信，叫我們去評估中心排隊，都唔知叫唔叫好彩，星期一交表，今天就有期可以見姑娘，上午一去到，個中心好細，好多人，由於有好多小朋友，又有好多玩具，所以阿呢就係咁去聊人玩，都等左差不多半個鐘，先有得入房見姑娘，由姑娘作初步評估，入到房，阿呢要坐係張bb椅到玩，姑娘會陪佢玩，教佢玩，阿呢又好似學到少少，識玩一d第一次接觸的玩具，之後姑娘就請阿呢及外婆到門外等候，由我回答一d關於阿呢日常生活的問題，最後姑娘都係覺得可以再觀察，等多半年至九個月，評估中心就會再聯絡我，期間我唔使打電話去問，咁即係要等到兩歲或以上先算，其實見到阿呢同姑娘玩又好似好合作咁，唔知是否真的因為在家中是小霸王所致??!!

俾阿呢回家休息一陣，真係只睡了一會就要被吵醒，要趕住去健康院做歲半的檢查。

雖然是約了3:00，但政府野一定唔會3:00有得睇，我卻不可能3:00就去到，因為一去到要帶阿呢去磅重，只是磅重，跟住就有排等，等了成個鐘，都只係見姑娘，個姑娘惡到死(係佢唔死都冇用)，一直問阿呢的發展，只係問，仲要係質問(咁即係識唔識做，我係都答唔識，再問佢真係唔識做，老公就打完場)，係好多野都唔達標的情況下，佢叫我們在兩歲時再見醫生，但在我告訴已排評估中心，佢就話以後都唔使返黎，只排評估中心就得，我見到這個姑娘都俾佢嚇死，又唔引導，阿呢梗係唔識做，但其實我都知阿呢真係好多野都唔達標，佢卻一d建議都冇，令我更加擔心。

在今日之前，我都在不時的擔心，有在這天是末日的感覺，但經過上午的表現，阿呢都算ok，姑娘都叫有俾d建議(雖然係冇用)，我都可以放鬆一點，但下午再俾佢咁嚇一嚇，又再令我唔知點算，無奈一切都只有在往後的日子先知咩事，唯有希望阿呢...

情人節??

今年的情人節在平日，office D女人就會有大把機會晒野，我地呢行就唔會有D咁野，尤其是我公司，以前老細生日，佢老公都會送個蛋糕來一齊食，依家已經冇了，所以唔會有人夠膽在公司晒野，而我個人亦會覺得今天買花好貴，所以老公都有好好的籍口拖住札花先，拖拖下就冇左了。

以下的都是在公司收回來的情人節禮物:

學生家長好有心機咁遂粒貼心

同事送的

學生送的

新春團拜

今日同中學同學進行新春團拜活動，當然亦是阿呢收利是的活動，今年多收了兩對組合的利是，真開心！開心是有兩個好朋友找到了好老公，黎緊今年仲有一對呀!!!

一早落樓下食早餐，竟然有這個賀年掛飾送俾阿呢

再適逢樓下進行新春團拜，正在派柑

搞左好耐，阿呢終於都可以出發了...一個滑雪look

其實在新年其間，我們都來過mega box好幾次

但就未有影下佈置....

因為公主好唔襯新年花...

阿呢好似在揭起公主條裙

同場在與外籍(唔知哥哥定姐姐)爭揸車

今天的收獲...

...謝謝

這個收獲真大，阿呢一邊睇，一邊偷笑...

自家造型照

過新年當然會有一D特別的服飾俾阿呢著下，俾我影下相......

去年買的賀年背心，今年仍合穿，加在不同衣服上都好襯

今年奶奶買的賀年服，都十分合穿，但今年的天氣卻很暖，此厚厚的棉襖，不太適合大汗的阿呢

阿呢的頭髮開始長，我會嘗試幫佢束不同的造型...

好common及好簡單的，我都搞好耐，因為阿呢佢唔合作

最後幫佢夾個大蝴蝶結，都係唔係好襯

打歲半針

阿呢在歲半後就差不多過新年，所以就約在今天才打歲半針，又係要打兩針，我就請左兩天假來陪阿呢(原本只是放半天的，但由於懶惰，所以請左兩天假)。

我們早上趁天氣還未轉凍前，帶阿呢去旺角搵表哥哥及表妹妹玩，表哥及表妹好叻好乖，阿呢當然比不上，但他們三個，最大的差不多兩歲，最細的差不多一歲，雖然年齡睇落差不多，但佢地仍然係自己玩的階段，加上阿呢又好少(甚至係未)同小朋友玩，所以佢今日都只係自己四圍摷表哥哥的玩具，當正自己屋企咁，一D都唔客氣。

多謝表姐及大姨

我們的午餐...新口味雞翼

必食...雪菜肉絲米

等阿呢訓一陣，又要帶佢去打針了，打埋今次就會等到小學先打(醫生係咁同佢講:打埋今次，下次打唔會喊了，因為學校有其他小朋友一齊打)，今次都係打兩針，但今次個針口好似好大咁，我們就怕佢好痛，但似乎係我們擔心多了，佢去到酒樓，成餐粥食咁耐，佢就玩咁耐，就連我們大人食時，佢都唔肯停，真係冇啖好食，其實依家出街食野都係咁既情況了!

食盤菜

今年好似四圍都sell D盤菜，好似好抵咁，其實我們早幾年都有試的，但就會覺得唔係好抵，但由於今年不會外出吃飯，樓下酒樓sell的又好似好靚咁，所以我們就又試一試。
今次在酒樓訂的，又真係幾好，好足料。

都算幾大煲，燒味及湯汁是另上的

過新年

咁快就過了新正頭的四天，其實夾埋年三十，我係放左五日假，這五天和老公一起全力照顧了阿呢五天，當然都係俾佢玩足五天，但可以一家三口咁去活動下，都幾好的。

這幾天的活動當然少不了去MEGA BOX

佢地的佈置都幾靚的

仲有去外婆家拜年

有去奶奶家...幾咁成熟咁孭住個手袋