我一直打算打電話跟進排期情況，但一直都未能在人地辦公時間放工，冇機會打電話，今日突然收到老公的電話表示明天有人唔黎空咗個時間，可以俾我們，問我放唔放到假，咁緊要的事情，一定要請假，但今又咁啱又係去戶外體能的日子，會唔夠人，好彩我打電話請假時，老細自問自答，自圓其說後都俾我放假，這卻令我覺得欠佢一個人情。
今日一早被阿呢喊嘈醒，有充足的時間準備及早到一點，準時11:00可以入去見ST，原本都好好地的在玩玩具，但在回答我是誰後，阿呢就突然醒覺外婆冇跟入來，好淒涼咁喊，不是大哭，而是哭泣，我見到都想喊，個ST就好冷靜咁攞紙巾抹佢的玩具，因為俾阿呢整濕咗，最後都係搞唔掂，要外婆入來，再全程抱著。
自外婆入來後，就開始一貫老人家家長的表現......咩都提晒佢、咩都話識做、幫佢答咗先，係咁的情況下，阿呢的結果都只係語言理解正常，語言表達得1歲9個月，都依然只可以排醫院ST，個ST都老實不客氣的說要等起碼一年，就算輪到都只係兩至三個星期一堂，真係咩都幫唔到，只有可唯有靠我們買私人的服務。
但近日勁使錢，將來的安排又不穩定，真係有點累咗阿呢，真係覺得好對佢唔住，由出世至今，我一直未能安排較好的照顧、時間俾佢，仲不停咁俾改變佢，要佢適應，要佢受苦，真係好對唔住佢。
2011年9月14日星期三
2011年9月6日星期二
2011年5月21日星期六
2011年5月15日星期日
2011年5月14日星期六
2011年5月8日星期日
母親節
今日是母親節的正日，是我們有了阿呢之後的第二個母親節，可能阿呢仲細，都冇咩特別的感覺，係老公之前送了一條頸鏈及手鏈俾我先，就知道係母親節。
阿呢今日仲要我做返個真正的阿媽，要我不停的勞動，佢不停咁製造污染，要我不停的抹抹抹，而老公就整親隻腳，冇咩點郁動，冇咩點陪阿呢玩，並且只係去了奶奶家吃午餐，就回家俾阿呢午睡了。
其實都要好彩外婆今天先回家，等阿呢有得貼住外婆睡(自旅行回來，佢就好鐘意同外婆睡、睡大床)，原本我們打算晚上去外婆家食晚飯，但外婆竟然冇預我們的晚飯，所以我們都只是留在家中。
今天就此過了母親節......
阿呢今日仲要我做返個真正的阿媽，要我不停的勞動，佢不停咁製造污染，要我不停的抹抹抹，而老公就整親隻腳，冇咩點郁動，冇咩點陪阿呢玩，並且只係去了奶奶家吃午餐，就回家俾阿呢午睡了。
其實都要好彩外婆今天先回家，等阿呢有得貼住外婆睡(自旅行回來，佢就好鐘意同外婆睡、睡大床)，原本我們打算晚上去外婆家食晚飯，但外婆竟然冇預我們的晚飯，所以我們都只是留在家中。
今天就此過了母親節......
將送俾奶奶的一套，一分為二
阿呢一套，我一套??
周大福的氣勢果然唔同D
2011年5月7日星期六
2011年5月2日星期一
勞動節真係勞動?
由於近日開始轉季，市面出左好多新一季的衣服，又漂亮又得意，我和老公都忍不住買了好多俾阿呢，已經冇位放，加上天氣開始轉熱，外婆投訴阿呢沒有夏季衣服穿，(但其實只是收在衣櫃中)，所以我這兩天努力地為阿呢收拾好一些不穿的衣服(只有少少是長大了不合穿的)、收起冬季的衣服，擺出夏季的衣服。
一邊執一邊想起阿呢著那些衣服時的模樣(係好BB的)，而現實中，佢就在搗亂，我執一陣，佢就來搵我玩一陣，就此斷斷續續地執了兩天才完成，但執拾好的衣櫃，令人覺得可以再繼續買衫......
仲有好多掛衣的空間??
仲有半個櫃桶可以擺衫
不合穿的衣服
鞋櫃中，阿呢的鞋子仲多過我，之前已經俾左一批老公的同事
不合穿的鞋子，其實鞋子都真係好快唔o岩著的
今天一早起身執好晒d衫，下午當然要同阿呢出去走走，仲要買埋母親節禮物俾奶奶，所以我們又係去了Mega Box。
未著過的工人褲，但已經唔o岩著了，只有穿一次影下相
每次去Mega Box必食的宜家餐廳
阿呢會因為可以玩野，而會自己食
當然好願意飲野
逛超級市場的收獲，但只是其中的一部份
今天逛街的主要任務，珍珠手鏈、頸鏈，還有加$100換的吊咀
2011年4月30日星期六
2011年4月29日星期五
第二十一個月
今天是阿呢出世第二十一個月的日子，都如以往...係用個"曳"字去形容佢，仲要係愈來愈曳，脾氣愈來愈臭，一不如意即大發脾氣，連我鬧都唔驚，真係激死人!當然有時佢又哄到人好開心的，又或一些古靈精怪的表情，又或突然自己唱一句歌(I do...I do...I do.../依~呀~依~呀~噢~)，真係笑死人!
愛玩貼紙，將撕出的貼紙全貼晒在身上，跟住又再貼係人地的面上
罪證...成張貼紙撕下之後，就隨處貼
連萬寧印花都唔放過
最愛入我們的書房，開櫃，將所以野摷晒出來
依家阿呢已經跟我們吃了不少街外的食物，其中一樣佢有興趣的...壽司，但由於我們只係俾佢食蛋蛋，所以好多時食太卷，都會有如此的情況
阿呢的壽司拼盆
仲要十分搞事，坐唔定，仲用手機影埋D咁既相
~愈來愈曳，爬高爬低簡直唔怕跌，我們見到就真係嚇死。
~成日就自己攞手機，自己開不同的遊戲見下，當然未識玩。
~識得攞我們的衣物鞋襪俾我們，仲要我著，試過有一次佢攞到五件衫褲，全部都要我著晒佢，即係在玩我。
~好懶...出街唔肯自己行，一係就一條直路咁向前走，走夠了又要抱。
訂閱：
文章 (Atom)