又入院

原本只係產前檢查，但竟然又要入院留一晚！
 
醫生問有關小牛的情況，我當然會好詳細咁答佢，但竟然原來小牛的胎動次數過少(要在12小時內動最少10次)，我未能達標，而小牛的大小亦不合周數，但我就重多了(可接受的範圍)，於是又要去聯合照超聲波，咁即係又要入院等明天才可以照，即係要住院一天，我當然不想啦，一來醫院多菌，二來根本訓唔到覺，不能休息，但醫生話要都冇辦法。

幾耐先等到探病的時間，媽媽帶了好味的飯及湯給我，因為聯合的飯很少，連我都覺得食唔飽，而老公仲陪我到探病時間完結才回家，但晚上真的完全睡不了，因我是訓在走廊旁，很光很多人出入，竟然12:00都有人入院，真係好騷擾，好彩明天檢查完便可以回家了！

放飛機

竟然俾3 個人放我呢個大肚婆飛機......
原本一早約好話一定要今日出來傾功課，其他時間日日都唔得閒，又唔可以在返學的時間傾，所以我唯有出來一起傾吧，連老公都特登帶了一些筆記去一邊溫習一邊等我，但當我出到九龍塘，我打電話俾同學，佢竟然話改左日期，今日唔傾了！下！但我已經出到去了，咁即係點呀！所以我決定下一次我一定唔會出去了。
真懷念以往跟亮晶晶太太一起讀書的時候，我們不會特登出來傾，每人分d之後，便在家攪掂，不用徙時間！唔知亮晶晶太太幾時先讀返書呢！

第三次余啟文醫生

下午再到余醫生診所檢查，又係要等好耐，而醫生又係好快咁解釋我們的疑問，但我們都是清楚了，都放心好多了，最可惜是他會在小牛出世時放假，令我們少了個因素選在仁安生，於是只可以隔兩個月見醫生一次，但當聽完他答案是會較放心的，當然希望小牛都ok，唔使我成日咁擔心要睇醫生、照超聲波！

聯合-葡萄糖耐量測試

一早就要空肚到聯合排隊，真係要等到8:30先開始，佢地一次過叫左6個大肚婆及一個男人入房等飲糖水，在房中，看見D嬸嬸在沖一杯杯的糖水，好似在卡通片D巫婆在煮有顏色有泡泡的毒湯咁，
但d糖水並非別人所說的難喝，只係太甜，飲之前就要抽血，抽血竟然唔係由護士做，而係由一d助理(即係d嬸嬸)負責，真係唔係咁放心！不過都ok。
抽完之後就要等兩小時，老公就買了雜誌給我看，等呀等.....終於都可以抽第二次血了，都係由d嬸嬸抽，仲要係抽返同一個位，於是我就問佢是否在同一個位抽，佢就答「同一個位都冇所謂架！只要抽到就得啦！」唉！當然係抽到我好痛喇，仲要唔可以即時知道結果，係等冇收到電話就即係知道冇事！
後記：我兩日後都冇收到電話，即係第一次測試ok了！

復活節---第二章

輪到美食篇了！
一路都好唔舒服，食唔到野，其實這幾天也差不多，但去旅行會開心一點點的！
晚餐

酒店對面的一間中菜酒家，估唔到都好多人，d菜仲好大碟!好多人都叫了很多碟，最後都要cut左幾碟菜，我們就叫得o岩o岩好!

清炒油麥菜---真係好新鮮的菜

好耐冇食過的蛋蛋青瓜餃子，唔使點汁都好好味!

玉米餅---好香脆的外層，內裡就好香玉米味及香軟

例牌菜---咕嚕肉，好香脆，但就食剩晒d菠蘿!

早餐

好豐富的自助早餐



午餐

由於早餐太豐富，所以只係打算食少少味千拉麵，但都竟然一d都唔掂，之後我們仲要去食KFC!!好好味的北京雞卷!!

茶點

椰果搖搖奶茶，香港未有得賣的，我當然只係可以飲一口，真係只得一口!

當然唔只得奶茶，仲有麵包的!

晚餐(冇影相)---都係食返之前食過的，鮑汁豆腐、乳豬(但佢個汁有果皮，唔係咁好味)，但就冇菜食啦!

早餐---仍然係酒店的自助早餐，但今日好多人，竟然要搭檯，咁就真係足以令酒店降星了!!

午餐

好出名的南乳雞翼

又香脆又鬆軟的牛仔骨

所謂有營養的一碟豬頸肉米粉，冇咩驚喜!

當然冇著名的豬排飽咁好味啦!但都OK!!

甜品---杏仁大菜糕

老公起肉俾我食的雞翼!!

復活節---第一章

一連4天的復活節假期，若是在以前，我和老公一定會去旅行，仲要係去盡4天的，但現在當然不可能了！只是去了休息兩天！真的只係休息，去到酒店...午睡...乘的士出去吃東西(以往我們都不會程程的士出入)...酒店休息...就這樣休息了！但我倆回家後，都覺得在家中是舒服些，真係所有野都改變了！
因為有前人的經驗，原本我們以為在珠海買嬰兒產品會幾抵，點知真係今時唔同往日了，人民幣好唔抵，所有野都好貴(當然是信得過的牌子)隨時仲貴過在香港買，但竟然在澳門以七五折買了不少嬰兒用品，都幾抵！

今次只係可以去渡假的酒店

 好有復活節氣氛的

因為復活節的關係，裡面仲有一個小雞場，之前有8隻較大的雞仔，但放了新的小雞後，大雞仔便不見了！

之後仲有多9隻小白兔呀！

小雞和小兔是可以一起如此生活的！

竟然是2米4呎的大床！在以前的一定會在床上滾幾個圈！

電視都是新的model......當然是老公留意的東西

樓下個景好靚！

逛街時看到的中國制Barbie，化妝及服飾都好靚

這就是我們買的嬰兒用品，應該是比香港抵的！

放完假？

舒服了不夠一個月，上星期又開始辛苦了，今日仲嘔了兩次，食咩之前都要嘔清上一餐所吃的東西，好辛苦！但這是否小牛已經放完我假，又恢復以往的生活了？定係因為我吃了成個星期的感冒藥？定係因為屋企開返WiFi？但點都好，我都投降了，咩都暫停了，希望可以唔好再咁辛苦！嘔的感覺真係好難受！

返工做d咩？

今日上堂時，無端端話俾時間我們討論功課，當然不會有好結果，因為真的太突然，我們咩都冇準備，呢d時間梗係用左黎傾閒計，一傾之下，知道d同學真係好叻，佢地真係識好多野，好有經驗，返工真係做野，雖然我地係IP位，但我就真係唔知唔知自己識D咩，返工仲俾人調來調去，原本應去輔導的班，無端端又調左去第二班，O個班仲要冇自己的仔，咁即係點呀？！我都唔知！

電腦展？

身體稍為好返d，同老公一齊去了mega box的電腦展，當然都有睇嬰兒用品，
我們在mega box都用了$1000，但竟然不是買了高科技電子產品，而是買了我的女性用品，只是稍為買了少少現在必須的，都要成千元，都話女人錢易賺！

但mega box的電腦展都好厲害的，是在每一層都有的，仲要用地圖的......haha.....而且每一層都有得蓋印仔抽獎，在以往我一定走到每一層蓋齊印仔(但不是抽獎)，但今次冇可能了，我只有能力行了兩層，便要回家了！

我見d人真係要打開地圖去睇的

真係每層都有的，但會好散亂

幾大，似唔似玩緊康樂棋？

新衫

今日在IVE接收了很多小牛的衫，又係要多謝X老師，佢奶奶都好好，咁快就執了一袋好得意的初生衫俾小牛......

這些就大件d！

這些就好靚、好得意！真係好細件！估唔到真係著咁細件的