買野

吉之島有嬰兒展，好似好抵咁，所以同老公去看一看，價錢真的是ok，但我們咩都唔識，只係聽下d sales介紹及以往在網上看的小小記憶，就買了以下的東西......

BB被仔...但真係唔夠上次的一套軟

奶瓶消毒器...是在咩都唔識的情況下買的，回家後才發現其他地方仲抵少少

奶瓶...都係見人人都在搶購(真的是搶購，因為到俾錢時都仲有人問是在哪裡找的)，所以我們都買了，回家後才擔心是否放得在TT奶瓶消毒器中

這又是好抵的一樣產品，繼上次玩具反斗城後，又一又抵又O岩用的產品，但因太大張及未必咁快用的關係，我們都冇買到

但真係唔爭氣，只係行了一個多鐘，便頭暈暈了!!回家去了!!

就只係行了一陣間，就買了幾百蚊野!!

第二次聯合檢查

第二次聯合檢查，老公都抽到時間陪我去，但我下午竟然因為要回校做治療，阿頭唔俾我放自己假，搞到我要以10分鐘及60幾蚊的士錢趕回校，勁趕!!今次的檢查都係好簡單，但又係要等好耐，一去到又係要量血壓檢小便，但佢地竟然冇容器俾人留小便，要自己出便利店買，真好野!!檢完那些東西後，便是等的時間，好彩今次見的都是醫生，而不是姑娘或實習醫生，但檢查就好是旦，好快就搞掂，總之等就浪費了很多時間，之後就約了下一次照結構的時間---第二十週。到時就要仔細d問下醫生小牛是否ok??!!

第一樣東西

老公買俾小牛的第一樣東西，是一套床上套裝，是藍色小豬系列，它是老公放工後，專誠走去旺角買的，我放學回來後看見是比起想像中小，仲好輕的，bb的東西原來真的很小但都很貴。

老公特登買俾佢既床上用品，係太子托返黎架!

第二次葉承楷檢查

今日係約了葉醫生檢查小牛的情況，因為有血的情況都維持了很久，所以都好擔心，但一去到，醫生就講返有關oscar檢查的結果，更加擔心，但醫生都表示屬於正常範圍，未需要抽羊水作檢驗住，可以再睇20週左右做的結構性超聲波的結果先，但驗出來是低得緊要，真是十分擔心，不過，一切都要再等20週照時再說。
今次都有照下小牛，醫生竟然問：「想唔想見下bb?」，來得見醫生當然想啦！而且今次仲有個目的，就是想看看能否照到小牛的性別，好讓我們請別人留衣服給我們，所以都有照到超聲波，在照超聲波期間，醫生都有一邊量度小牛的頭的大小、大脾骨的長短，一邊告知我們小牛這些東西都是在正常的範圍，叫我們不用擔心......又點會唔擔心呢！
當然，今天小牛都好合作，讓我們看到性別，但醫生都係話照超聲波只有七八成準，到照結構時可以更清楚。

情人節

今日係情人節，我依然冇得出街玩，而且呢d大時大節同出同人迫，我真係冇能為力，老公在家中準備了很多美味的食物，全部都是他親手煮的...
所以我今天依然是待在家中，等老公聽完talk回來，之後，他便開始做家務，我便小睡片刻，睡醒了就等老公買茶點回來，老公的照顧真是無微不至，今年情人節甚麼活動也沒有，比著以前，我一定會埋怨老公，但近來老公對「我們」都已經補償返晒了。

而且在晚上，他也親自煮了五碟"食送"及一個湯，真是很美味的，美味到我還叫老公拿去給他的媽媽試試......haha!!

跟住，我們竟然是玩了一晚Wii...真搞笑，以往我一定不會玩到咁耐的...

情心節禮物竟然係佢地!!

別人的小牛女

真係好開心...亮晶晶太太和亮哥哥已經一起看了他們的小寶寶是女孩子，而且亮晶晶太太已經好返晒，享受緊大肚的生活，仲進入第二個階段，但我呢...？我仲係好辛苦，可能因為仲係太辛苦的關係，我咩心情都冇，連係男係女都冇所謂了(當然最好係女啦!!)

小別

原本今日係去健康院作產前檢查的，但由於又有血，所以同老公直接去了急症室......
去了急症室，一會便被分流往見醫生，見完醫生即要入院，但入院是要觀察及排第二天照超聲波，都好快完成入院手續，但入院即係冇得回家，冇得在自己的床睡，原本仲諗住檢查完可以和老公去吃早餐，依家不能了，老公竟然話「小別勝新婚」，hay...咁樣小別，唔好掛！
而且在醫院內是吃不飽的，但不知道是吃不飽還是小牛知道在醫院不敢亂來，我的狀況是好好的，誰知在一知道可以回家，便開始作反了，我又好辛苦了！
今次檢查都有「意外收獲」，就是醫生將我作為教材，佢一邊教一邊睇，睇得都好詳細，雖然部份時間佢地係用英文交談，但我聽得明就聽，聽唔明就問佢地，而且仲有一張小牛像在say hello般的相，政府醫院出名唔會有得取相，而且仲要係這個動作，所以條氣都順d！
好彩檢查完都冇事，而且媽媽又可以出院了，唔使擔心咁多野了！
最緊要的是......老公成日投訴我在家中，令他不能進行大清潔，今天他真的趁我不在家，反轉間屋咁大清理，和我入院已搞了一朝，仲要回家清潔，下午又要帶東西給我及返學，老公都好辛苦的！

返工了

放了整整兩星期的假，今日終於要返工了，並沒有不想返工的感覺，只是不想晚上去上學，
今天回到學校，真係醜陋的學校，早前開幕的紙雕已爛的爛、斷的斷，殘殘舊舊咁，一定又要徙不少人力去重新再做，打回原型，真係又有排做了!
另外，學校仲爆發傳染病--水痘，放了四天新年假，竟然仲會有傳染病繼續傳，點解會咁架?!
今天第一天返工，真的很累，全日企又唔係，坐又唔係，最後到放工時，已全身骨痛，仲有好多明天又要休息的警號；幾經艱苦才捱完了上堂，10點幾辛苦地食埋個晚餐後，竟然最後全部嘔返出黎...激死我了!