第一次健康院檢查

是否在政府醫院生，我們仍在考慮中，私家醫院可以遲些才book，但政府就要先排定了，
今天我們一早到了藍田健康院，我們是排第一的，但政府真的是政府，所以野都好"專業"...
今次我就做了度高磅重、量血壓、驗小便(是要自己預先預備的)、聽講座(只是睇電視)、見姑娘、見醫生(醫生係一個好「專業」的政府醫生，好快想叫你走，但我係咁問，賴死唔走)、抽血，做左好多野，都算快...11點前完成。
出健康院門口時，有一大班人走上前，原來佢地係bb會的人，叫人即場填表入會，收小小的禮物。搞完那些填表後，我和老公去了KFC食早餐，好美味，但食左一陣就要返屋企準備返工，老細驚死我會請全日咁，不斷強調這些只係可以請半日，我都知啦!

聖誕節---西貢

無論幾辛苦，都要出去行下，但今次行的地方是很遠的，是西貢...不過好彩是乘自己車去，唔便左兜左兜...

去到仲見到好多去行山露營的人群，我即刻想到亮晶晶太太以往都會去露營的，依家都係不能去了，都係同我一樣咁慘...haha!!

在西貢的魚攤出面竟然成地都是這些史前生物，但佢地係養的...要俾人食，仲聽講話幾好味!!

好辛苦

今日下午真的辛苦到死了，都唔知咩事，個胃超級痛，同平時唔同的，都有d擔心！

放半日病假

剛才打電話同老細請明天的病假，佢又係話要人手做野，佢係唔係要我在佢面前暈底，先可以請假，我都係有醫生紙的，所以都係亮晶晶太太的老細好人！好豪咁放佢兩星期！

聖誕節---mega box

mega box有小豬的聖誕佈置，當然要去睇下啦！

等緊車都已經見到小豬的廣告

真係小豬做主角咁

梗係要影晒所有小豬啦！

  小豬唱聖詩

又一小豬poster

係吊係空中的，但吊得太高，好難影！

小豬好勤力的讀緊書

行到餓了，梗係要食下野啦

呢個最特別，係撈烏冬，個燒汁好好味

走啦！

終於都一個月了，我們要返回醜陋的學校了。返去就唔使日日跟校車咁辛苦，但就有另一d辛苦及慘痛，可能唔返好過返了！

聖誕禮物

沒有想過會收到的兩份聖誕禮物

老細的

人地阿二的

聖誕蛋糕

老公一早就訂了我想食的美心天使蛋糕，仲係聖誕特別版，只係見到佢個盒已經好吸引，食落口個感覺仲更加不得了......
話明係天使蛋糕，梗係白色啦！整個都係白色的cream，但由於係聖誕特別版的關係，佢仲有兩塊聖誕綠葉及merry christmas朱古力牌，呢樣都唔係最緊要，最緊要的是它的味道，真的與普通蛋糕不同，d cream好輕好soft，仲有雲尼拿香味，但可能係d海綿蛋糕好大層的關係，令到個蛋糕真係唔會太甜，所以個感覺係好健康，我仲食左好大件呀！

白色的盒

係聖誕限量版

有盒咖啡味的叮叮糖，但唔知點用

我估應該係咁放在面的

聖誕節---尖沙咀

又再去多一次尖沙咀，今次係同媽媽一起去的，仲睇埋幻彩詠香江，但非常唔掂！

美麗華商場中的佈置

聖誕樹

只係柏麗大道

呢度會落雪的

好唔掂的幻彩詠香江

第一次見醫生

終於都約到醫生作第一次的檢查，診所好多人，仲真係有好多人係操普通話的，我6:15去到，唔使等好耐就可以見醫生，因為老公一早就幫我排隊掛號。
醫生都係照下佢的情況，只得幾周，所以係冇咩野睇，但就証實係真的，不過都知係真的啦！因為佢真係令到我非常辛苦！成日都想嘔！
第一次見醫生，照到心跳，證實係真的，都唔知點解會咁快，雖然話見到佢，但可能佢太細，好似一粒米咁大，都冇咩特別的感覺。

聖誕節---東港城

由於未食得飯，所以去了東港城行下...

真係有個聖誕小鎮

都好熱鬧的

好聖誕節的火爐，有佢，聖誕老人先可以入來派禮物

薑餅屋

仲有一班小朋友表演

都係好聖誕的米奇頭cookies

無意中發現的聖誕老人

竟然約唔到醫生

原本諗住搵返睇開的婦科醫生檢查，但竟然在昨天預約，要等到1月22日，個幾月先見到醫生，近年真係太多人生了!唔係好抵!於是，我今天經由護士介紹了另一位醫生，檢查住先，可以在下星期二見醫生!

好嘔

昨天開始，全日都覺得好想嘔，好辛苦......真係冇諗過會咁
之前都只係早上起來，有一下想嘔的感覺，食完早餐之後就冇事了，估唔到依家先開始，今日仲辛苦到唔想去返學(其實都有少少因為係要畫畫，所以唔想返)，而且仲要戒食濃味，真係慘！
不過我唔會話終於明白媽媽的偉大，因為我一早已經知道媽媽由生我到湊大我都係好辛苦的!

check左

今早起身，check左......
支棒浸左一陣(約10多秒)，便已出現了一條紅色線，咁係唔係即係......唉!!咁快??
晚上，我們食美心的南瓜火鍋，但竟然會食唔飽，老公就在宵夜時間煮了雲吞仔麵俾我食，老公話依家要成日食，餓就好食了!!

早餐

老公一早落街買麥當勞早餐，好好味的！

好豐富的魚柳早餐

係咪好奇怪點解會有米奇棒呢！

其實係個職員冇俾奶茶棒，我地用在日本迪士尼帶回來的小棒

輕鬆小熊

去年去日本蜜月旅行時愛上的...鬆弛熊，竟然在香港的OK便利店有得換，仲好抵，又唔使夾!所以老公...
全部換晒俾我啦!!

日本

收到朋友在日本帶回來的手信，我都好想去旅行，只要可以去旅行，唔一定要日本的，但依家連假都冇得放，做死人就有份

條手機繩好靚的

功課...功課...又係功課

自11月開始了IP課程後，感到非常辛苦，好大的功課壓力...
都唔知點解，個個以往讀過這類課程的人，都說：冇咩功課、好容易讀的！但我......只係讀了三星期，便知道有四份功課要交，仲有一科非常過份地...只係上一堂，派了所謂的習作指引，便要交四份功課，仲將會有考試！大家都已經係註冊老師，仲有D係在IP界做了5-6年的，有咩理由依家仲要做埋D咁既野！
而且竟然在IVE讀HD的人可以豁免，不用再讀便可註冊為IP老師，點解由其他大學讀的HD就不可以，話晒都係大學丫！真係唔公平！

有冇機會？

由於太耐冇黎的關係，我和老公一起買了支棒棒，準備check 下...都係明天先，但都估好大機會係...

真係好驚喜

昨晚看了好朋友的blog，突然發現佢有了bb，佢好開心，我和老公都好開心好突然，因為佢11月12先話要接受不育的事實，到11月27就話心血來潮買支棒棒驗下---竟然有左！前後都只不過幾星期，真係由谷底上返黎！不過都要小心身體！

聖誕節---又一城

放工後，因為要去IVE簽到open day，所以順便去埋又一城看看那棵---年年都是很高很高的聖誕樹！

那棵聖誕樹真係好高的！ 

但今年的已較失色，沒有了早年的swarovski水晶，只得一些燈燈！

但相信晚上亮了燈會靚好多

聖誕樹下的聖誕花是太陽能推動轉轉轉，好得意的！

好靚的一個舞台，但唔知有咩用

    小熊都好得意的，好軟腍腍的

行到累，當然要食tea啦！那個朱古力綿心批真的很美味

好難得老公入百老匯，唔係睇數碼產品，而係幫我影小雪人