真係開心時刻PizzaHut

放工後同班同事去慶祝一位同事可以脫離醜陋的學校，席間講返學校中發生的事，真係令人好激氣！D高層幾時先會醒？
當然我們食Pizza都食得好開心！但個扭扭Pizza就有d失望！冇咩特別、仲要有蝦！

小小

小小
小牛...小老虎...小白兔...夏天...冬天...男孩子...女孩子
今日到診所取了驗身報告，身體OK，可以準備開始....但老公竟然會搞笑地問埋媽媽該在哪個季節出世較好，還找哪些生肖：小牛、小老虎還是小白兔？但他好像沒有想到是否真的話要就要！看到好友想要了差不多兩年也未能如願，我都好擔心自己的情況！
而且，我們都沒有好好地討論過有關的問題，老公是否想多了？！

自己一人執屋？

今早老公竟然要出席教育主日，起身後得返自己一個，加上昨天媽媽告誡我要執下間屋，所以今日要努力收拾下自己的東西，但收拾了少少之後，找到了一些自己影的結婚相，便停了手，一邊看一邊笑；睇了一會，老公便打電話回來，要去飲茶，即係唔可以再執......真搞笑......其實最後我係甚麼也沒有收拾的！

晚餐

又出了德福，仲同老公去了和民食晚餐，佢地出了新的秋季Menu，有好多新的美味小食，真係好好味的......但由於D小食太美味的關係，令到碗叉燒拉麵都比了下去！

味道好怪的枝豆芝麻雙色豆腐

口味清新但在味千已食過的芝士照燒雞卷

最出色的薯仔年糕餅(有芝士的)，老公話佢係有口感的薯片

這就是有D失望的叉燒拉麵，但叉燒都好好味

當然仲有我的至愛--甜品--芒果草莓大福餅，仲有紅豆的

不如估下這是甚麼蛋！？

這就是脆炸玉子.....但個玉子竟然是鵪鶉蛋

早起的一天

今日係放假日，但老公竟然7:00幾就起左身，還掃了地、抹了地、洗了衫，好勁！於是之後去了老公至愛的KFC食早餐，但就係食我至愛的鬆餅及通粉，當然唔少得奶茶！

日日都喊！真可憐！

依家要跟新仔，真係好累、好辛苦！
仲有大把仔係日日都喊住話唔返學，都返了學差不多一個月了，都依然喊得咁淒涼！梗係啦！班主任都唔理佢地，攪到佢地好似遊XXX咁；身為外人的我，想鬧唔得、想教又唔得、想錫多d關心多d都唔得，否則我同佢地都唔會有好結果！佢地會活得更慘！所以我只好默默的做他們的阿四，幫他們做晒所有的事，如吃飯、穿鞋等等......以免我教他們的時候又俾人話多事！
以往，有「資深老師」在的時候，佢地好快就收聲，好快就習慣返學，自己的事自己做，但依家......佢地真係可憐！我都唔知可以點幫佢地。
「我要婆婆」都唔知會喊到幾時！

又要返學......

到了星期五，已經好累好辛苦 ，但仲要返學，依家返學得自己一個人，冇得好似以前咁......有Angel及Fanny早D去霸好位、取Notes，依家我6:45去到都要坐第一行，阿sir前面的一個位，好慘！
以前返學係傾計、食野、睡覺或做野的，依家完全唔可以了，今天仲好醜....我都已經不介意在阿sir前做這做那，但真係太累了，睡著了......睡著了都好，但竟然差點"忠"了落桌子，真係醜！得自己一人返學的日子真係......

真係8號風球？！

仲以為呢個聽來好似好勁的颱風可以為我帶來一天半天的假，點知一天半天都冇，仲要係我一放工便掛8號，要起身返工之時就除下8號，兩日都要返足晒！不過，這兩天的仔都算生性，只係返50個及21個，我可以和我的好朋友出組做野，好開心！好好彩！如果要同D人一齊睇仔，就慘了！

但今次的颱風真的很勁，因我和老公在家裡，竟然感到間屋好似「搖…下…搖…下…」的，出面又有好大的風聲……感覺好驚架！！

又換……！！

今日雖然除下8號風球，但中小學停課，老公都唔使返工，佢又係屋企亂咁黎！

他總是這部換那部……這裡換那裡，但……我要做野的電腦都不知去了哪裡？！

身體彷彿唔係自己咁！！

開了學半個多月，轉左做兼收，以為會好D，點知仲辛苦......每日返工都要勁大的體力勞動。
以往跟高班，係大仔，幾乎唔使點理佢地；依家所謂兼收，要跟新入學的細仔，佢地班主任唔教佢地、唔錫佢地，佢地日日返到入校門已經喊死！扯住咁入黎!
去到食飯，個個唔餵就唔食，我要同家長交待，不能不餵，但班主任竟然講：「我都唔知佢地邊個有食邊個冇食，個個都係話自己食左少少！」太不負任了
到訓覺仲死，呢頭哄佢地訓，果頭又要叫佢地起身，有D仲要密集式15分鐘一次小便，又要睇住去小便，逐個咁叫，都已經咩都唔使做......連腰都直埋！手都斷埋！
今個星期只係連續返左四日，今晚又要返學，回到家真係成身都冇力，動不了，手手腳腳都唔係自己的了！好彩明天放假......唉!!

錫我的老公

今日去德福行街街，影了很多搞笑的相。
老公仲好錫我，係PinkBox買了一隻介指俾我，但係因為要改圈訂過的關係，所以都未有得戴；亦都係D公司Sell野的方法，話我尚欠幾百元便可以有咩咩咩咁！於是我再揀，揀中左隻金手鐲，真係好靚、好fit的，但基於都係唔好買咁多野的關係！於是都將佢改細，變為送俾我未出世的小小表外甥，又係要改，成$5xxx幾蚊野，全部都收唔到貨，真係傻傻地的呢！！
終於取到貨了....

表外甥的手金手鐲真係好得意

中秋節來到了

一年一度的中秋節到了......中秋節是一年一次的!!
我當然要整一D應節「食品」

好美味的!! 

有傳統月餅，亦有冰皮月餅......

但係中秋節竟然不知想和老公去哪裡玩，只有到媽媽家吃完飯便回家了！真掃興!!

只有在家中玩燈籠及熒光棒

畢業禮

幾經「辛苦」讀了三年的高級文憑於去年已經讀完了......今日就終於舉行等了一年的畢業禮！我當然是邀請我的媽咪及老公出席。
我要等放工才可以到浸會，所以都唔係有好多時間影相，但我就一定要影下老公買俾我的畢業小豬及我愛的百合花！

可愛的畢業小豬

靚花
畢業禮這重要日子，梗係要好好慶祝啦!
我們去了又一城的五月花食晚飯，D食物好好味，但超貴!
當中的甜品仲好好玩的!!

小小的一碟小丸子→便有八款「調味」Nuts