不用了？

昨晚扮唔記得著，就咁就開始嘗試不用了，但小朋友竟然唔肯，係咁話要著

小鈺想法

半夜小鈺高燒到要連飲三杯水解渴的情況下
我話：不如我出去攞啖退燒藥俾你食
小鈺：唔使啦!叫daddy攞啦!你行落床個pat pat（因平日好痛時我會摸住pat pat）就會好痛架啦
聽到時有D甜，但更多心up，呢個多月冇得抱、冇得攬、冇得去玩，已經好佢唔住，依家連病咗都照顧唔到。

跌倒了

今次跌倒的是我
5月31日因公司停電，被迫放假，在小鈺午睡時，我打算先抹乾淨地板，再灘開所有衣服換季，但就在最後階段清理廁所毛髪時，大大力跌倒在地上，郁唔到，唔知過了多久才郁返，強行起身，好痛但以為冇事，忍了幾天，仲返左幾日工，終於忍唔住去睇醫生，一照原來尾龍骨裂了，竟然跌得咁傷。

學琴了

在有鋼琴之後，就開始搵姐姐教琴，但搵了幾個都唔肯來教，後來從姑婆的朋友中，找到了一個同住在家附近的姐姐教小鈺鋼琴。
今天特意請了一日假陪小鈺學琴，佢耐性十分差，只坐了十五分鐘就表示學完，開始扭來扭去，這半個鐘我都難捱。


後記

之後小鈺都不太肯練琴...

(12/5/13)由於佢太扭計，所以我決定不陪了，我在房中等，好似好少少

但每晚練琴就練到喊，但明明是識的，卻因冇耐性唔肯坐得耐...

經過一個月的努力，小鈺真係可以斷斷續續的彈一首歌了

澳門之旅

剛去完日本，卻因爺爺奶奶有假，再出發去澳門玩兩天及睇水舞間(只他們，我們要帶小鈺，冇得睇)。
但小鈺去完日本病了，至今仍未好返，表現及精神不太好......

一去度首先去酒店check-in，小鈺就熟手地脫下鞋子，休息一下......

......同埋玩一下

今次兩間房相連，有個門，好似隨意門咁，俾小鈺走來走去

 

在他們去睇水舞間及搏殺時，我們就只能坐咖啡店

 

仲可以俾小鈺飲下牛奶

 

晚上食自助餐的酒店，竟然有綿花糖機

甜品都好多款...

晚上食埋野返房，都好晚，小鈺都好累，口中說著不想睡，卻立即睡著了

 

早上又唔肯起身

 

酒店大堂，有得玩有得食

 

又在等候的期間，今次可以跟小鈺去玩下，唔係一定悶慌了

玩到忘晒形

三歲八個月

長大了？當然沒有，仍是一個好曳的bb，咩都唔肯做，只愛玩。
但我們卻要執一執小鈺bb用的物品.....

其實奶樽一早就被ST叫不能再用，因影響了上咢的發展

奶樽不用，這個當然不用了，原本的位置可以放一個小的飲水器俾小鈺自己斟水

依家仲要買這種BB杯！因為有刻度用來沖奶

 

傑作

我在做文件，小鈺在我身旁...
小鈺：(指住交件上的公仔)佢係度做咩?
我：佢係度踢波
之後我就出咗去飲水，返入房後，見到小鈺拿著筆，有D驚佢畫花我份文件，但望向份文件又冇事
我：點解你揸住支筆?
小鈺：我畫波波
原來小鈺畫了一個很有動感的踢波圖畫

個波好似踢了出去咁